Prokuroria e Tiranës ka nisur hetimet për vetëvrasjet e 2 pacientëve me koronavirus që trajtoheshin në spitalin “Shefqet Ndroqi”.
Burime nga organi i akuzës thanë se janë ngritur akuzat e shkaktimit të vetëvrasjes dhe mos sigurim i kushteve.
Hetuesit e kanë përqendruar punën në kushtet që po trajtohen të sëmurët. Ata kanë marrë deklarimet e mjekëve përgjegjës dhe të familjarëve të tyre.
Një ditë më parë një 65-vjeçar nga Mati humbi jetën pasi u hodh nga kati i katërt i spitalit. Në 13 Gusht ishte një 29-vjeçar nga Durrësi që ndërmori aktin ekstrem.
