Ministria Turke e Mbrojtjes tha se gjashtë aeroplanë grekë ushtarakë F-16 që po i afroheshin zonës mesdhetare lindore, të cilën Turqia më parë e kishte caktuar si një zonë kërkimi për hidrokarbure, u përgjuan dhe u penguan në avancim.
Një deklaratë në faqen e internetit të ministrisë përkatëse turke thotë se sistemet e radarit të Forcave Ajrore Turke regjistruan dje gjashtë aeroplanë F-16 grekë që fluturonin nga ishulli i Kretës në drejtim të pjesës jugore të Qipros.
Thuhet gjithashtu se Forca Ajrore Turke përgjoi dhe pengoi avionët grekë që t’i afroheshin rajonit, të cilin Turqia e shënoi si një zonë kërkimore me një shpallje të hershme Navtex, me aeroplanë F-16 në jugperëndim të ishullit të Qipros.
“Forcat detare dhe ajrore të Turqisë vazhdojnë me vendosmëri absolute për të mbrojtur të drejtat dhe interesat edhe në Mesdheun lindor,” thuhet në deklaratë.
Ministria lëshoi gjithashtu pamjet e përgjimit nga aeroplanët turq.
