Ronnie Spector, vokalistja e fuqishme e viteve ’60, ka vdekur në moshën 78-vjeçare, pas një beteje me kancerin.
Lajmin për vdekjen e ka dhënë familja e saj me anë të një deklarate.
“Engjëlli ynë i dashur, Ronnie, u largua paqësisht nga kjo botë,” shkroi familja e saj në një deklaratë. Ajo ishte me familjen dhe në krahët e bashkëshortit të saj, Jonathan”.
Spector, e lindur në 1943, ishte e njohur për këngën e hiteve të Ronettes, duke përfshirë “Be My Baby”, “Baby, I Love You” dhe “Walking in the Rain”.
Në vitin 1968 në moshën 25-vjeçare, pas ndarjes së Ronettes, ajo u martua me Phil Spector, producentin famëkeq të Wall of Sound pas hiteve të grupit.
“Siç e thashë shumë herë sa ishte gjallë, ai ishte një producent i shkëlqyer, por një bashkëshort i keq. Fatkeqësisht, Phil nuk ishte në gjendje të jetonte dhe të funksiononte jashtë studios së regjistrimit. Errësira hyri, shumë jetë u dëmtuan. Unë ende buzëqesh sa herë që dëgjoj muzikën që kemi bërë së bashku, dhe gjithmonë do ta bëj. Muzika do të jetë përgjithmonë”, pati deklaruar ajo.
Çifti kishte tre fëmijë të birësuar – Donté Phillip dhe binjakët Louis dhe Gary. Në vitin 2009, Phil u dënua për vrasjen e aktores Lana Clarkson në vitin 2003. Ai vdiq në burg në vitin 2021.
Në vitin 1982, ajo u martua me menaxherin e saj Jonathan Greenfield dhe ata patën dy djem, Austin Drew dhe Jason Charles.
