Lajmi për një shumë marramendëse parash që mendohej se ishin bllokuar në aeroportin kryesor të Parisit, paraditen e djeshme, është “fake news”.
Mediat publikuan se një shtetas nga Mali është arrestuar në aeroportin Charles de Gaulle, pasi gjatë kontrollit në 2 valixhe diplomatike atij i janë gjetur plot 23 milionë euro.
Mediat franceze aludonin se kjo shumë do të dërgohej në Shqipëri, por ambasada shqiptare në Francë bën me dije se lajmi është i pavërtetë, duke cituar policinë franceze.
Çështje e lajmeve të rreme është kthyer në një problem madhor për platformat e rrjeteve sociale, të cilat janë duke marrë nisa të ndjeshme për të frenuar përhapjen e një informacioni të tillë.
