Një veteran britanik i Luftës së Dytë Botërore është nxjerr nga spitali i South Yorkshire, këtë të enjte, pasi u shërua nga infeksioni me COVID-19.
99-vjeçari Albert Chambers u përcoll me nderime nga stafi i spitalit Tickhill Road, në Doncaster, të cilët e duartrokitën pasi e mposhti virusin me sukses.
Chambers, i cili në korrik mbush 100 vjeç, falënderoi stafin që e ndihmuan të shërohej dhe tha se trajtimi që kishte marrë s’mund të kishte qenë më i mirë.
Në Britani kanë vdekur rreth 8000 persona nga COVID-19, dhe personat mbi 75 vjeç përbëjnë dy të tretat e viktimave.
Edhe kryeministri britanik, Boris Xhonson, u shtrua në spital pas ndërlikimeve me coronavirus dhe sot ka dalë nga terapia intensive.
Numri i personave të prekur nga pandemia në të gjithë botën ka arritur 1.6 milionë, 466 mijë prej të cilëve vetëm në SHBA.
Some lovely news coming from Doncaster this evening.
Albert Chambers, who will be 100 in July, and a WW2 veteran, has fought off Coronavirus thanks to the help of the team at Tickhill Road Hospital, run by @rdash_nhs. Here he is getting a guard of honour from staff 💙 pic.twitter.com/INkBIuTJ5F
— NHS North East & Yorkshire (@NHSNEY) April 9, 2020
