Një aksident i rëndë me pasojë vdekje është regjistruar, rreth orës 14:35, në aksin Shkodër-Tiranë, pranë fshatit Kryebushat.
Dy gra raportohet se kanë humbur jetën, ndërsa katër persona të tjerë kanë mbetur të plagosur si pasojë e një përplasjes së dy mjeteve.
Viktimat janë të moshës 40-45 vjeçe, por ende nuk është bërë i ditur identiteti i tyre.
Ndërsa të plagosur kanë mbetur shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët janë transportuar në spitalin e Shkodrës.
“Më datë 10.04.2019 ora 14.35, në aksin rrugor Shkodër – Lezhë, ne vendin e quajtur Krye Bushat, janë perplasur mjeti tip Nissan me mjetin tip Audi, si pasojë kanë mbetur të dëmtuar shtetasit L. K. 55 vjeç, E. P. 23 vjeç, J. P. 28 vjeç, B. M. 32 vjeçe dhe P. Z. 66 vjeç, të cilët u dërguan në Spitalin Rajonal Shkodër”,- njofton policia.
