Revista Maxim e Australisë ka publikuar listën e saj vjetore “Hot 100” për vitin 2022, duke renditur femrat më të suksesshme dhe më të bukura në industrinë e argëtimit, sportit dhe kulturës pop.
Në krye të listës së tyre ishte aktorja 32-vjeçare Margot Robbie, karriera e së cilës vazhdon në një trajektore rritëse përpara daljes në treg të filmit më të fundit Babylon.
Kjo është hera e tretë rekord që Robbie arrin në krye të “Hot 100”. Në vendin e dytë ishte futbollisti Sam Kerr dhe në vendin e tretë, në listën e Maxim, ishte tenisti australian Ash Barty.
Këtë vit, Robbie u bë aktorja më e paguar në Hollywood falë tarifës për filmin “Barbie” me regji të Greta Gerwig. Sipas Variety, aktorja australiane u pagua 12.5 milionë dollarë për të luajtur përballë Ryan Gosling si Ken, në filmin e shumëpritur të bazuar në kukullën ikonë me të njëjtin emër.
Lista përfshinte gjithashtu disa gra që mund të mos i prisnit si ish-ragbisti Danielle Laidley, e cila ndryshoi gjininë nga mashkull në femër në vitin 2020, apo politikanet Penny Wong dhe Annastacia Palaszczuk.
