Nëse shkon në Barcelonë dhe thua emrin Leo Messi, i ke thënë të gjitha. Sulmuesi argjentinas është idhulli i popullit katalanas.
“Pleshti” debutoi në vitin 2004 me Barcelonën dhe që atëherë ka përcaktuar një epokë në “Camp Nou”. Ai nuk është thjesht futbollist i Barcelonës, por një ikonë e gjithë Katalonjës. Atje konsiderohet më i miri i historisë, ashtu si edhe në shumë vende të tjera të botës.
E përditshmja spanjolle Sport ka kryer një sondazh rreth emrit të kapitenit. Kur ai u transferua në Katalonjë, vetëm katër persona mbanin emrin Leo. Ky numër u rrit në 11 në momentin që Messi debutoi me ekipin e parë të Barcelonës.
Gjërat kanë ndryshuar shumë pas një dekade. Në vitin 2019, 500 foshnje u quajtën Leo, emër që sot është i dyti më i përdorur në zonën katalanase. Më i preferuari është Marc, por nëse Messi qëndron edhe disa vite te Barcelona, mund ta kalojë.
