Presidenti i Rusisë, Vladimir Putin, i ka ofruar falas stafit të Organizatës së Kombeve të Bashkuara një dozë nga vaksina ruse kundër koronavirusit, Sputnik V.
Sipas “Russia Today”, Putin theksoi në fjalën e tij në Asamblenë e Përgjithshme të OKB-së se Rusia është vendi i parë që ka krijuar një vaksinë të sigurt dhe efektive për Covid-19.
Ai e ofroi këtë vaksinë për këdo punonjës të OKB-së që ka dëshirë të vaksinohet.
OKB-ja e falenderoi Putinin për “ofertën bujare”, duke theksuar se do ta vlerësojë këtë ofertë në një moment tjetër.
