Mali i Etna-s në Siçili nisi të shpërthejë sërish në orët e fundit, duke nxjerrë lavë dhe tym nga krateri i vullkanit, i cili detyroi mbylljen e përkohshme edhe të dy aeroporteve.
Mediat italiane shkruajnë se aeroportet e Katanias dhe të Komisos u mbyllën gjatë natës, ndërsa mëngjesin e sotëm ai i Katanias është rihapur pjesërisht.
Më herët gjatë këtij muaji shpërtheu edhe vullkani Stromboli në ishullin siçilian.
