Ambasada e SHBA-së në Tiranë, bashkë me ngushëllimet për familjet e viktimave të tërmetit dhe familjaret e prekur shpreh mbështetjen për vendin tonë në këto momente kaq të vështira, ndërsa thekson se amerikanët dhe shqiptarët kanë qëndruar gjithnjë pranë njëri-tjetrit në kohë të vështira
“Shtetet e Bashkuara shprehin ngushëllimet më të thella për të gjitha familjet dhe komunitetet e prekura nga tërmeti.
Shtetet e Bashkuara janë pranë miqve tanë në Shqipëri, ashtu si amerikanët dhe shqiptarët kanë qëndruar gjithnjë pranë njëri-tjetrit në kohë të vështira. Ne vijojmë të ndjekim situatën nga afër dhe jemi në gatishmëri për të ofruar mbështetjen tonë“, shkruan ambasada amerikane në Tiranë.
