Jasir Asani ua ka bërë të qartë çekëve se do të luajnë një sfidë stresuese në stadiumin “Air Albania”.
Sulmuesi i Kombëtares Shqiptare të futbollit ndihet i karikuar për ndeshjen e rëndësishme.
Në Çeki lojtarin kuqezi e njohin mirë.
Në një intervistë për median çeke “iDNES”, 28-vjeçari përshkroi entuziazmin te tifozët shqiparë për sfidën.
“Prisni ferrin! Në stadium dhe në rrugë. Në vendin tonë ka eufori për futbollin. Barazuam në takimin e parë, por këtë herë luajmë në shtëpi e duam që të fitojmë”
Kombëtarja çeke pritet që të rreshtohet me formacionin 3-4-3, si në sfidën e takimit të parë në Pragë.
