Lulzim Basha ka deklaruar se është i gatshëm të bëjë çdo gjë për të bashkuar demokratët dhe Partinë Demokratike.
Kështu është shprehur sot kryedemokrati nga selia e PD në një prononcim të shkurtër për gazetarët.
“Jam mirënjohës për ndihmën që jep çdo anëtar i Partisë Popullore Europiane për Partinë Demokratike, për demokratët. E dyta dhe më e rëndësishmja, dua ta konfirmoj para gjithë demokratëve, unë mbetem në dispozicion të bëj gjithçka për hir të demokratëve dhe për të bashkuar Partinë Demokratike”, tha Basha.
Më herët, Arbi Agalliu deklaronte: “Grupi parlamentar i Partisë Demokratike ka kërkuar dorëheqjen e Bashës, por se kur do ta japë, kjo ngelet në përgjegjësinë e tij. Grupi i PD-së do të ndërmarrë të gjitha hapat që ka rregullorja dhe statuti, nëse Basha nuk vepron në kohë”.
