Policia e Shtetit njofton se në orët e mbrëmjes së të premtes, persona ende të paidentifikuar dyshohet se i kanë vjedhur me dhunë një sasi lekësh shtetasit B.Sh. në fshatin Katjel, ndërsa ishte duke u kthyer në shtëpinë e tij në Prrenjas.
Menjëherë kanë nisur hetimet dhe deri në këto momente janë shoqëruar në ambientet e komisariatit të policisë së Librazhdit 8 persona që dyshohet se kanë dijeni për ngjarjen.
Nuk bëhet ende e ditur sasia e parave të grabitura, ndërkohë që vijon krehja e zonës dhe janë ngritur pika kontrolli në drejtim të Pogradecit dhe Librazhdit.
