Drama në Itali nuk ka fund. 793 persona kanë vdekur në Itali vetëm këtë të shtunë. Statistikat e trishta janë bërë të ditura nga kreu i emergjencave Angelo Borrelli në daljen për mediat mbrëmjen e kësaj të shtune.
Në total numri i viktimave në shtetin fqinjë nga koronavirusi ka shkuar në 4825.
Lombardia është rajoni me shifrat më dramatike, 546 të vdekur nga e premtja në të shtunë, ndërsa Emilia Romanja ndjek me 109 viktima në orët e fundit.
Rritje e madhe është edhe ajo e të prekurve të rinj të cilët janë mbi 4800 në vetëm 24 orë, e ku edhe në këtë rast është sërish Lombardia që mban vendin e parë me mbi 3100 raste.
Aktualisht 42 681 janë pacientë pozitivë, ndërsa të shëruar janë 6072 persona nga të cilët rreth një mijë vetëm këtë të shtunë.
