Nëna e trajnerit të Manchester City, Pep Guardiola, ka vdekur pas infektimit me koronavirus. Kështu ka njoftuar klubi anglez, përmes një “tweet”, ku shkruhej: “Familja e Manchester City është e hidhëruar të raportojë sot vdekjen e nënës së Pep, Dolors Sala Carrió në Manresa, Barcelonë, pas prekjes nga “Coronavirus”. Ajo ishte 82 vjeç. Të gjithë në klub i shprehin simpatinë dhe mbështetjen e përzemërt Pep në këtë kohë shqetësuese, familjes së tij dhe të gjithë miqve të tyre”.
The Manchester City family are devastated to report the death today of Pep’s mother Dolors Sala Carrió in Manresa, Barcelona after contracting Corona Virus. She was 82-years-old .
— Manchester City (@ManCity) April 6, 2020
Guardiola, 49 vjeç, muajin e kaluar dhuroi 1 milion € për të ndihmuar luftën kundër Covid-19 në Spanjë.
Ai, gjithashtu, publikoi një video si pjesë e nismës së klubit, “Cityzens At Home”, duke u bërë thirrje tifozëve të qëndrojnë në shtëpi dhe të ndjekin këshillat e shkencëtarëve, mjekëve dhe infermierëve.
