Ministria e Shëndetësisë ka njoftuar se në 24 orët e fundit nuk ka sërish asnjë viktimë nga Covid-19.
Rastet e reja- Nga 3,340 testime, nga të cilat kanë rezultuar pozitivë 9 qytetarë.
Rastet pozitive të konfirmuara janë identifikuar në këto bashki: nga 4 raste në Tiranë, Shkodër dhe 1 në Vlorë.
Situata në spitale– Edhe në spitale situata është përmirësuar ndjeshëm, pasi aktualisht po marrin trajtim 31 pacientë, nga të cilët 5 pacientë janë në terapi intensive dhe prej ditësh nuk ka asnjë të intubuar.
Në 24 orët e fundit janë shëruar 45 qytetarë, duke e çuar numrin e të shëruarve në 129,566 që nga fillimi i epidemisë. Aktualisht në të gjithë vendin ka 343 raste aktive.
