Spekulimet se një formë e jetës aliene ekziston përtej planetit tonë shkojnë deri në Greqinë dhe Romën e Lashtë, megjithatë ne nuk kemi kontaktuar ende me ta.
Ka pasur teori të ndryshme, duke përfshirë idenë se inteligjenca e nivelit njerëzor është krejtësisht ‘unike’ në univers, por një shkencëtar ka zbuluar një skenar më të mundshëm.
Sipas tij qytetërimet aliene u shkatërruan nga shpërthimet e rrezeve gama (GRBs).
Këto shpërthime shpërndajnë një sasi tmerrësisht të madhe energjie dhe kanë ndodhur në galaktikat e largëta. Bëhet fjalë për rastet kur bërthamës së një ylli gjigant i mbaron karburanti dhe ai shembet nën peshën e vet duke lëshuar kështu një “super nova” masive rrezatimi.
“Bëhet fjalë për një rreze me përqendrim të lartë” tha profesori i astronomisë Dr. Frederick Walter. “Dhe, nëse drejtohet për te një galaktikë, në thelb mund të shkatërrojë jetën në rreth 10 për qind të planetëve në galaktikë.”
“Është vetëm një nga shumë shpjegimet e mundshme,” vuri në dukje ai. NASA i quan shpërthimet e rrezeve gama “klasa më e fuqishme e shpërthimeve në univers”.
Një shpërthim tipik shpërndan një rreze të ndritshme energjie të drejtuar: një kuintilion (një 1 e ndjekur nga 19 zero) herë më shumë se shkëlqimi i diellit tonë, më se i mjaftueshëm, me fjalë të tjera, për të djegur një qytetërim jashtëtokësor nga pozicioni i tij në galaktikë.
Për fat të mirë, bazuar në dekada të tëra kërkimesh nga Observatori Orbital i Rrezeve Gama Compton të NASA-s, shpërthimet e rrezeve gama janë relativisht të rralla në galaktikën tone, Rrugën e Qumështit.
Kur sateliti i Observatorit Compton u lëshua në 1991, studiuesit e NASA-s prisnin të shihnin më shumë ‘GRB’ që dilnin nga qendra e galaktikës sonë.
Por u vërtetua se këto ngjarje shpërthyese ‘super nova’ ishin shumë më të zakonshme në galaktikat më të reja, të largëta, ende të nxehta në procesin e formimit të yjeve të rinj.
“Është vlerësuar se ka një shpërthim të rrezeve gama çdo 100 milionë vjet apo më shumë, në çdo galaktikë”, sipas Dr. Walter, i cili ka dhënë një kurs mbi kërkimin e jetës jashtëtokësore në Universitetin Stony Brook në Nju Jork.
“Në mbi një miliard vjet, mesatarisht, ju mund të prisni që një numër i konsiderueshëm qytetërimesh të çrrënjosen,” tha ai.
Vlerësime të tjera kanë sugjeruar se shpërthimet e rrezeve gama mund të ndodhin aq shpesh sa një herë në 10 milionë vjet për çdo galaktikë – por secili prej tyre do të nënkuptonte që shumë specie aliene mund të zhduken përpara se të kenë një shans për të bërë shumë eksplorime të hapësirës.
Astronomi i Stony Brook vuri në dukje se planeti Tokë është afërsisht 4.5 miliardë vjet i vjetër dhe u desh pothuajse kaq shumë kohë për të evoluar të vetmen specie teknologjikisht të avancuara që njerëzimi ka aktualisht prova: njerëzimi, vetë.
Kjo do të thotë, si një lojë ruletë ruse, Rruga e Qumështit vlerësohet të ketë përjetuar diku nga 45 deri në 450 ngjarje lokale GRB në historinë e Tokës.
