Kryeministri Edi Rama ka përsëritur sërish thirrjen për mbajtjen e maskave.
I pyetur nga TV Klan se përse qeveria vendos të bëjë maskën me detyrim në një kohë kur fali të gjitha gjobat e pandemisë, Rama tha se nuk është çështja për ndëshkimin e qytetarëve.
Sipas tij mbajtja e maskës në ambiente të hapura bëhet vetëm për të shmangur një mbyllje të dytë.
“Sa i përket maskave, do të jetë e detyrueshme për të gjithë. Nuk është gjoba motivi se pse njerëzit duhet të mbajnë maskat, motivi kryesor që duhet ta mbajnë jashtë, nga unë i pari, është që të shmangim larg qoftë një mbyllje tjetër.
Do të ishte shumë e rëndë. Se kuptoj se cila mendje mund të thotë e për këtë bezdi, s’diskutohet, që të rriskosh një goditje si mbyllja e detyruar. S’është çështja tek gjoba fare. Kështu them unë”, u shpreh kreu i qeverisë.
