Francesco Totti dhe Roma i japin sinjale dashurie njëri-tjetrit. Ish-kapiteni, i intervistuar nga Paolo Condò në “La Repubblica”, ka disa mesazhe për klubin verdhekuq, ku padyshim shpreson të kthehet, pas ndryshimit të fundit të pronësisë. Në fakt, Totti thotë se është i sigurt që pret një telefonatë nga familja Friedkin: “Herët ose vonë, Roma dhe unë do të takohemi përsëri së shpejti, të paktën për të pirë një kafe. Dhe mbase jo vetëm kaq: Nëse më pyesni kur do ta takoj familjen Friedkin, ju përgjigjem: kur ata të më ftojnë për një kafe. Sinqerisht mendoj se do të ndodhë. Por, për momentin nuk kemi pasur asnjë kontakt. Dan Friedkin e kuptoi shpejt gjënë themelore: te Roma, pronari duhet të jetë fizikisht i pranishëm. Dhe njoftimi se djali i tij, Ryan, do të vijë të jetojë këtu shkon në drejtimin e duhur. Pallotta bëri gabime, sepse po merrte vendime bazuar në raportet që i shkonin. Pronari duhet t’i përjetojë zhvillimet drejtpërdrejt”.
Ish-numri 10 nuk e përjashton që një ditë të kthehet te Roma: “Është e natyrshme të mendoj se herët a vonë, Roma dhe unë do të takohemi përsëri. Sidoqoftë, unë nuk iu them kohërave dhe mbi të gjitha nuk pres që të ndodhë duke mos bërë asgjë, ulur në divan në shtëpi. Unë do t’ju jap një shembull me Bayernin, i cili sapo fitoi Ligën e Kampionëve me Rummenigge, Hoeness dhe Kahn në rreshtin e parë. Më tregoni sa i fortë është Theo Hernandez. Kaq shumë apo jo? Epo, Paolo Maldini e zgjodhi atë”.
Në fakt, Totti ka filluar një aktivitet të ri të zbuluesit të talenteve disa muaj më parë, një aventurë që e magjeps shumë: “Është shumë qesharak momenti kur klientët e rinj hyjnë në sallën e takimeve dhe më takojnë. Unë dua të them që duke nënshkruar me agjensinë tonë, e theksoj tonën, sepse në Itali mund të bëj vetëm skautime, atyre iu hapet një dritare. Dua të them se apeli im është ende diskret, për të rinjtë dhe për prindërit. Unë punoj me miqtë e vjetër: Candela ndjek Francën, Aldair eksploron Amerikën e Jugut. Së bashku kërkojmë të rinj me cilësi të jashtëzakonshme dhe u shpjegojmë atyre mentalitetin që të çon në majë”.
Më në fund, Totti tregon një episod nga dita e lamtumirës së tij me futbollin: “Dy javë më parë, në agjensinë tonë morëm Mattia Almaviva, djali, të cilit i dhashë shiritin e kapitenit, pas lamtumirës. U lumturova dhe emocionova përsëri”.
