30 vite nga eksodi drejt Italisë, Rama: Faleminderit që hapët dyer për shqiptarët
Kryeministri Edi Rama ka udhëtuar sot drejt Italisë për të kujtuar eksodin e shqiptarëve 30 vite më parë. Rama në një konferencë nga Bari u shpreh se në këto 30 vite kanë ndodhur shumë gjëra, por veçoi vetëm një gjë, ndihmën e Italisë për Shqipërinë.
Kreu i qeverisë shqiptare falënderoi të gjithë italianët që 30 vite më parë hapën dyert për shqiptarët 30 vite më parë.
“Ndihem i lumtur dhe i nderuar që jam mes dy shqiptarëve më të mirë mes italianëve. Ju jeni miq me zemër të madhe për shqiptarët, nuk jeni me Shqipërinë vetëm kur ka diell, por dhe në momente të vështira që vendosin në dukje miqësinë e vërtetë. Teksa zbrisja nga avioni dhe shihja këtë mikpritje të jashtëzakonshme, më vinte në mendje një këngë që thotë se vitet ikin në furtunë. Kanë kaluar 30 vite që shqiptarët erdhën në brigjet tuaja dhe në këto 30 vite ka pasur shumë stuhi. Në këtë moment do toja të thoja vetëm faleminderit për të gjithë italianët dhe që hapen dyert e tyre për të pritur shqiptarët 30 vite më parë”, tha Rama.
Një falënderim e pati dhe për ndihmën që Italia dha për Shqipërinë kur ndodhi tërmeti në 26 Nëntorit të vitit 2019.
“Pa u kthyer në qesharak duhet thënë faleminderit për atë që Luigi dhe Mikele ka bërë personalisht kur 15 muaj më parë Shqipëria ishte viktimë e një tërmeti të tmerrshëm dhe Italia ishte aty për të ndihmuar. Nuk do arrij kurrë për të falënderuar aq sa duhet këta dy persona, për të thënë faleminderit për atë që ata janë përkushtuar dhe kanë bërë avokatin e shqiptarëve”, shtoi Kryeministri.
Por premtoi se sa herë që Italia të ketë nevojë Shqipëria do jetë aty për ta ndihmuar. “Uroj që të mos keni kurrë nevojë për ne, por nëse është nevoja do jemi gjithmonë këtu për ju”, u shpreh Rama.
Rama i kërkon Luigi Di Maio-s të zgjidhë problemin e patentave të shqiptarëve
Kryeministri Edi Rama nga konferenca për 30-vjetorin e eksodit të shqiptarëve në Itali ka kujtuar edhe njëherë problemin e patentave të shqiptarëve në këtë vend.
Kreu i qeverisë teksa përmendi disa shifra të shqiptarëve që jetojnë dhe punojnë në Itali tha se ministri Luigi di Maio duhej të kujdesej.
“Janë më shumë se gjysmë milioni shqiptarët që jo vetëm jetojnë dhe punojnë, por kontribuojnë në ekonominë italiane. Janë 50 biznese të vogla dhe mesatare që paguajnë taksa në Itali dhe janë mijëra studentë që studiojnë në universitetet italiane. Duke qenë se italishtja është gjuha jonë e dytë, studentët tanë janë më lartë se studentët e tjerë”, tha Rama.
Më tej kreu i qeverisë tha se problemi duhej zgjidhur që shqiptarët t’u japin makinave të tyre pa u shqetësuar nga burokracia unike italiane.
“Duke qenë se këtu janë të gjithë gazetarët dhe kam qenë i bombarduar për javë të tëra dhe ambasadori do më fal për këtë që do të them tani, dua të bëj një ndërhyrje ose shkelje të protokollit. Dua t’i them Luigit që të kujdeset pak për patentat e Shqiptarëve në Itali që kanë ngecur në korridoret e burokracisë italiane që shqiptarët udhëtojnë dhe ti japin makinës pa probleme”, shtoi ai.
Në konferencën nga aeroporti i Barit në Itali, Rama u shoqërua nga ministri i Jashtëm Italian, Luigi Di Maio dhe Presidenti i Rajonit të Pulias, Michele Emiliano.
