Scorpions, të cilët me një hit të tyre në fundvitet ’80, u bënë kolonë zanore e shndërrimeve në kampin e Lindjes, u pozicionuan dhe në këtë rast, duke shprehur mbështetje ndaj Ukrainës që po vuan pas agresionit rus nisur më 24 shkurt.
Grupi legjendar ka ndryshuar tekstin e këngës “Wind of Change” që i referohet Moskës, duke deklaruar kështu se është në anën e ukrainasve.
Në koncertin e tyre në Las Vegas, këngëtari Klaus Maine ndryshoi vargun e parë të këngës që u bë një hit i madh në mbarë botën dhe në vend që të thoshte “Unë e ndjek Moskën deri në Parkun Gorky“, tha “Dëgjoj zemrën time tani: thotë Ukraina”.
The Scorpions have changed their famous line “Follow the Moskva down to Gorky Park”to “Now listen to my heart, it says Ukraina.”The line about Gorky Park annoyed me so much-the change has literally made my day. Listen to it, it’s beautiful 🥰 pic.twitter.com/X3cK301XTd
— Maria Chaplia 🇺🇦 (@mchapliaa) March 28, 2022
“Wind of Change” u shkrua pikërisht nga Klaus Maine në fund të viteve 1980. Hiti ishte e lidhur drejtpërdrejt me rënien e Murit të Berlinit (skenat që dominonin videoklipin) dhe Bashkimin Sovjetik.
Në ato vite, grupi gjerman ishte ndër më të famshmit e hard rocku-t botëror.
