Rikthehet Kombëtarja e vërtetë. Trajneri Edi Reja shpalli sot listën e lojtarëve të grumbulluar për miqësoret me Italinë dhe Armeninë. Këto janë edhe miqësoret e vërteta për kuqezinjtë, pas tyre me Arabinë Saudite dhe Katarin, ku Kombëtarja u paraqit me një seleksion lojtarësh nga Superiorja.
Nga ajo listë trajneri Reja ka mbajtur vetëm tre lojtarë dhe ata janë mbrojtësit Erdenis Gurishta i Vllaznisë dhe Eneo Bitri e Andi Hadroj të Partizanit.
Në Kombëtare kthehen disa lojtarë, të cilët kanë lënë pas dëmtimet, si Berat Gjimshiti, Marash Kumbulla, Keidi Bare e Qazim Laçi. Rikthehet edhe sulmuesi Ernest Muçi.
Ndeshja me Italinë luhet më 16 nëntor në ‘Air Albania’, kurse ajo me Armeninë 3 ditë më pas në po këtë stadium.
