Agimi i një epoke të re e ka konsideruar kryeministri britanik Boris Johnson zyrtarizimin e Brexit.
Këtë konsideratë ai e dha nga Sunderland, qyteti simbol i referendumit të 2016, në veri të Anglisë.
“Sonte nuk shënojmë fundin, por fillimin e një momenti agimi. Është koha që Britania e Madhe dhe populli britanik të bashkohen për të shkuar përtej”, theksoi Johnson.
“Puna jonë si qeveri, puna ime, është që ta ribashkojmë këtë vend dhe ta çojmë përpara. Gjëja më e rëndësishme për të thënë është se kjo natë nuk shënon një fund, por një fillim”, përfundoi kryeministri britanik.
