Elon Musk ka bërë disa postime shqetësuese në profilin e tij në Twitter.
Edhe pse miliarderi njihet për sensin e tij të humorit – sidomos për sa i përket postimeve të tij në Twitter – këtë radhë ndjekësit e tij janë shqetësuar pasi mesazhet kanë një natyrë tejet kriptike.
Në postimin e tij të parë, Musk shkruan “Nëse unë vdes në rrethana misterioze, ishte kënaqësi që u njohëm.”
If I die under mysterious circumstances, it’s been nice knowin ya
— Elon Musk (@elonmusk) May 9, 2022
Ky postim vjen një javë pas lajmit se Musk bleu rrjetin social Twitter për një shumë prej $44 miliardë dollarësh.
Ajo që e bën këtë mesazh edhe më të çuditshëm janë disa postime të bëra më përpara nga Musk të cilat e bëjnë të duket sikur ai mund të jetë kërcënuar nga Rusia.
Pak para se të postonte për vdekjen e tij, Musk ndau me ndjekësit disa postime në rusisht, që duken si komunikime të klasifikuara ku miliarderi akuzohet se ka furnizuar forcat në Ukrainë me pajisje për komunikimin ushtarak, “dhe për këtë Elon, ti do të mbash përgjegjësi – si një i rritur – pavarësisht se sa gjatë do të vazhdosh ta luash rolin e budallait”.
.@Rogozin sent this to Russian media pic.twitter.com/eMI08NnSby
— Elon Musk (@elonmusk) May 9, 2022
Në një postim pasues, thuhet se këto pajisje janë dërguar në Ukrainë edhe me ndihmën e Departamentit Amerikan të Mbrojtjes dhe Pentagonit.
Çuditërisht, Musk i ka bërë tag në të dy këto postime, Dmitry Rogozin – shefit të agjencisë hapësinore ruse Roscosmos, duke mos dhënë ndonjë shpjegim nëse këto mesazhe janë postuar prej tij.
Këto postime kanë ngritur dyshimet se CEO i Tesla-s mund të jetë duke u përballur me kërcënime të mundshme nga Rusia si pasojë e ndihmës që ai i ka ofruar Ukrainës që prej fillimit të lutës.
Kompania e dytë më e suksesshme e Musk, SpaceX, ka dërguar satelitët Starlink në Ukrainë, që prej fillimit të luftës, si pasojë e vënies në shënjestër të sistemit të telekomunikacionit ukrainas nga ushtria ruse që prej fillimit të luftës në shkurt.
Ndjekësit e Musk kanë reaguar në mënyra të ndryshme, disa prej tyre e kanë marrë si shaka ndërsa të tjerë kanë bërë thirrje për solidarizim.
Të tjerë e kanë pyetur Musk nëse ai ka qenë i pirë, por dhe pas disa orësh ky postim gjendet ende në llogarinë e Musk dhe tashmë të gjithë po presin për një reagim tjetër më të drejtpërdrejtë i cili do të mund të hidhte pak dritë mbi të vërtetën pas këtyre mesazheve.
Satelitët e Musk kanë ndihmuar Ukrainën jo vetëm për të marrë shërbim interneti, por edhe për të fituar luftën e dronëve me Rusinë, që kur më 24 shkurt Putin urdhëroi futjen e trupave në shtetin fqinj.
SpaceX ka ngritur më shumë se 2000 satelitë në hapësirë dhe shpreson që brenda vitit 2026 kjo shifër të arrijë deri në 12 mijë, dhe të thyejë paragjykimin që interneti satelitor është i ngadaltë dhe me shkëputje. Më parë, Musk ka deklaruar se synimi i tij është që të ofrojë internet për 3 miliardë persona dhe në të ardhmen t’i përdorë për ndërtimin e një qyteti me njerëz në Mars.
