Papa Françesku është takuar në Budapest me kryeministrin e Hungarisë, Viktor Orban, gjatë një vizite të shkurtër në këtë shtet.
Orban u takua me Papa Françeskun në Muzeun e Arteve dhe më pas ata patën një takim prapa dyerve të mbyllura, ku mori pjesë edhe presidenti i Hungarisë dhe zyrtarët e Vatikanit.
“I kam kërkuar Papa Françeskut që të mos lejojë që të vdesë Hungaria e krishterë”, shkroi Orban në Facebook.
”Pamundësoni shpërthimet e urrejtjes”, tha papa në takimin me liderët hungarezë.
”Të angazhohemi për të promovuar së bashku vëllazërinë, në mënyrë që shpërthimet e urrejtjes që duan ta shkatërrojnë atë të mos mbizotërojnë. Unë mendoj për kërcënimin e antisemitizmit, i cili ende endet në Evropë dhe gjetkë. Është një siguresë që duhet të hiqet”, theksoi Papa.
Ati i Shenjtë pritet të qëndrojë vetëm shtatë orë në Budapest për të marrë pjesë në një mbledhje ndërkombëtare të katolikëve, përpara se të udhëtojë drejt Sllovakisë.
Kjo është vizita e parë e një pape bërë Hungarisë që prej kohës kur Papa Gjon Pali II vizitoi këtë shtet më 1996.
Orban shpesh e ka përshkruar qeverinë e tij si mbrojtëse të civilizimit të krishterë në Evropë dhe ka shprehur qëndrimin e tij kundër migrimit nga vendet me shumicë myslimane.
